My therapist is my camera!

Ich ha scho früäh ahgfangä fasziniert sii vo Fötäli mache. Ich gfind das so öpis schöins, dass mer all diä Emotionä cha mit de Kamera ihfangä & diä Bilder eim so viel chönd zrugg gäh. Sie schaffet Erinnerigä, wo suscht wäg wäred.

Mit mim Sprachufenthalt in Kanada, hani gmerkt wiä wichtig es doch isch, dass mer immer wieder diä schöinä Momänt duet ihfange. So chamer Erläbnis guät i Erinnerigä phalte, i dem mer wieder eisch dur s'Fotialbum blätteret.

Näb mim tägliche Schaffä, ha ich jetzt äs Hobby wo mich extrem usglicht.
Ich freu mich immer wieder wäni nüi Lüüt cha känne lerne & ihri Glücksmomänt cha ihfangä.

Ich freu mich uf dini Ahfrag.